“Ekol Mühəndislik Xidmətləri” QSC “Bakı Ağ Şəhər” layihəsinin icrasını uğurla davam etdirir
Bakı, 13 may (AZƏRTAC). “Ekol Mühəndislik Xidmətləri” Qapalı Səhmdar Cəmiyyəti (QSC) “Bakı Ağ Şəhər” layihəsinin icrası ilə əlaqədar ərazidən neft məhsulları ilə çirklənmiş torpaqların daşınması, Heydər Əliyev adına Bakı neft emalı zavodunun və “Azərneftyağ” neft emalı zavodunun ərazisindəki köhnə istehsalat sahələrində olan gölməçələrdən sənaye-çirkab sularının nəqli işlərini təqvim planına uyğun olaraq keyfiyyətlə yerinə yetirir.
AZƏRTAC xəbər verir ki, QSC-nin torpaqların rekultivasiyası və tullantıların emalı departamentlərinin operativ fəaliyyəti nəticəsində cari ilin yanvar-aprel aylarında layihənin “Yaşıl Ada” rayonu ərazisindən 216 min 78 kubmetr neft məhsulları ilə çirklənmiş torpaq daşınmış, 65 min 800 kubmetrədək sənaye-çirkab suları nəql edilmişdir.
Hazırda QSC “Bakı Ağ Şəhər” layihəsinin icrasını uğurla davam etdirir.
Bölmənin digər xəbərləri
