Ekologiya və Təbii Sərvətlər naziri “Təmiz əllər” kampaniyasına qoşulub
Bakı, 29 mart, AZƏRTAC
Ümumdünya Səhiyyə Təşkilatının (ÜST) Azərbaycandakı nümayəndəliyinin rəhbəri Hande Harmancı tərəfindən start verilən “Təmiz əllər” kampaniyası davam edir.
AZƏRTAC xəbər verir ki, Ekologiya və Təbii Sərvətlər naziri Muxtar Babayev də həmin kampaniyaya qoşulub.
BMT-nin İnkişaf Proqramının Azərbaycandakı rezident nümayəndəsi Alessandro Frakassettidən estafeti qəbul edən Muxtar Babayev hər kəsi koronavirusdan qorunmaq üçün əllərini mütəmadi olaraq su və sabunla yumağa səsləyib: “Hər kəsi ÜST-ün “Təmiz əllər” təşəbbüsünə qoşulmaqla koronavirusla mübarizəyə dəvət edirəm. Estafeti isə Dünya Bankının Azərbaycan üzrə ölkə meneceri Navid Naqviyə ötürürəm”.
Bölmənin digər xəbərləri
