Ekologiya və Təbii Sərvətlər Nazirliyi AEBA-nın iclasında iştirak edib
Bakı, 7 oktyabr, AZƏRTAC
Atom Enerjisi üzrə Beynəlxalq Agentliyin (AEBA) Avropa və Mərkəzi Asiya regionları üzrə “Plastik tullantıların idarə olunması üçün nüvə texnologiyaları (NUTEC Plastics)” layihəsi çərçivəsində videoformatda görüş keçirilib.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildiriblər ki, görüşdə Azərbaycanı təmsil edən ekologiya və təbii sərvətlər naziri Muxtar Babayev Azərbaycanda plastik çirklənməyə qarşı görülən mübarizə tədbirləri barədə məlumat verib.
Nazir plastik çirklənmə probleminin dayanıqlı həllində, xüsusilə dəniz mikroplastik tullantılarının monitorinqində nüvə texnologiyasının tətbiqi kimi qlobal təşəbbüsün faydasını vurğulayıb və bu təşəbbüs çərçivəsində gələcək əməkdaşlığın müsbət nəticə verəcəyini qeyd edib.
Bölmənin digər xəbərləri
