EKOLOGİYA VƏ TƏBİİ SƏRVƏTLƏR NAZİRLİYİ “TƏMİZ HAVA” AYLIĞINDA İŞTİRAK EDİR
Ekologiya və Təbii Sərvətlər Nazirliyi Baş Dövlət Yol Polisi İdarəsi ilə birgə “Təmiz hava” aylığı keçirir. Nazirliyin mətbuat xidmətindən AZƏRTAC-ın müxbirinə bildirmişlər ki, son vaxtlar istismar müddəti başa çatmış, xarici ölkələrdə istifadəsinə qadağa qoyulmuş avtomobillərin, texniki cəhətdən yararsız olan digər nəqliyyat vasitələrinin sayının artması, habelə iri sərnişin avtobuslarının aztutumlu mikroavtobuslarla əvəz edilməsi və tez-tez tıxacların yaranması ilə əlaqədar atmosferdə zərərli qazların çoxaldığı müşahidə olunur.
Yaşayış məntəqələrinin girəcəklərində, hərəkətin daha intensiv olduğu küçələrdə, avtomobil nəqliyyatı müəssisələrindən çıxarkən bütün nəqliyyat vasitələri işlənmiş qazların səviyyəsi baxımından yoxlamadan keçiriləcəkdir.
Bölmənin digər xəbərləri
