“Ekoloji problemlərin həllində beynəlxalq təşkilatların rolu” - konfrans
Bakı, 28 aprel, AZƏRTAC
Azərbaycan Dövlət Pedaqoji Universitetinin (ADPU) Şəki filialında Tələbə Elmi Cəmiyyətinin təşkilatçılığı ilə Ulu Öndər Heydər Əliyevin anadan olmasının 100-cü ildönümünə həsr edilmiş “Ekoloji problemlərin həllində beynəlxalq təşkilatların rolu” mövzusunda elmi-praktik konfrans keçirilib.
ADPU-dan AZƏRTAC-a bildirilib ki, konfransda tələbələr beynəlxalq ekoloji təşkilatlar haqqında təqdimatla çıxış ediblər.
Sonra Ümummilli Lider Heydər Əliyevin iştirak etdiyi beynəlxalq konfranslar haqqında videoçarx nümayiş olunub.
Filialın Təbiət fənləri və onların tədrisi texnologiyası kafedrasının müdiri professor Firədun İbrahimov, Ümumelmi fənlər kafedrasının müdiri dosent Sədrəddin Bədiyev, Pedaqoji fakültənin dekanı filologiya üzrə fəlsəfə doktoru, baş müəllim Xalidə Abdullayeva çıxışlarında konfransın aktual mövzuya həsr olunduğunu vurğulayıb, maraqlı təqdimatlarına görə tələbələrə təşəkkür ediblər.
Bölmənin digər xəbərləri
