“EKSON AZƏRBAYCAN” ŞİRKƏTİ “NAXÇIVAN” STRUKTURUNDA QAZMA İŞLƏRİNƏ BAŞLADI
“Ekson Azərbaycan” şirkəti Xəzər dənizinin Azərbaycan sektorundakı perspektivli “Naxçıvan” strukturunda kəşfiyyat quyusunu qazmağa başlamışdır. Bu quyu Bakıdan təxminən 100 kilometr cənubda, sahildən 45 kilometr şərqdə, suyun dərinliyi 142 metrə catan sahədə yerləşir. Qazma işləri “İstiqlal” yarımdalma qazma qurğusunun köməyi ilə görülür.
Şirkətin mətbuat xidmətindən AZƏRTAC-ın müxbirinə bildirmişlər ki, “Ekson Azərbaycan” bu strukturun tədqiqinə, o cümlədən seysmik kəşfiyyat işlərinə, ətraf mühitin vəziyyətinin təhlilinə, təbiəti mühafizə tədbirlərinin planlaşdırılmasına və kollektorların qiymətləndirilməsinə xeyli sərmayə qoymuş, habelə akr hesabı ilə ödənişlər aparılmış və bonuslar ödəmişdir.
Bu quyu işlərin proqramına uyğun olaraq qazılması nəzərdə tutulan iki kəşfiyyat quyusundan birincisidir.
Bölmənin digər xəbərləri
