ƏL-ZƏRQAVİNİN BAŞI ÜÇÜN MÜKAFAT ÖDƏNİLƏCƏK
Bundan əvvəl ABŞ Dövlət Departamentinin adının açıqlanmasını istəməyən nümayəndəsi Röyterin müxbirinə bildirmişdi ki, “Əl-Qaidə”nin İraqdakı şöbəsi başçısının yeri barədə xəbər verən adam hələlik tapılmayıbdır. İyunun 8-də Dövlət Departamentinin mətbuat katibi Şon MakKormak əl-Zərqavinin gizləndiyi yer barədə məlumatın İordaniya vətəndaşının verdiyi barədə yayılan xəbərləri rəsmən təsdiq etməmişdir. Pentaqonun rəsmi nümayəndəsi general-mayor Uilyam Kolduell bildirmişdir ki, əl-Zərqavinin yeri onun müavini Əbu Əbül-Rəhman əl-İraqinin izlənilməsi nəticəsində müəyyən edilmişdir. Kolduell demişdir ki, əl-İraqini izləməyə onun yaxın adamlarından biri kömək göstərmişdir.
Xatırladaq ki, əl-İraqi əl-Zərqavi ilə birlikdə iyunun 7-də axşam öldürülmüşdür. Onların Bağdad yaxınlığında gizləndikləri yerə ABŞ Hərbi Hava Qüvvələrinin qırıcı təyyarəsi 225 kiloqramlıq iki bomba atmışdır.
Bölmənin digər xəbərləri
