Elmi biliklərin avtomatik əldə olunması problemləri tədqiq olunur
Bakı, 19 iyun, AZƏRTAC
AMEA İnformasiya Texnologiyaları İnstitutunun növbəti elmi seminarı onlayn formada keçirilib.
İnstitutdan AZƏRTAC-a bildirilib ki, şöbənin əməkdaşı Nərgiz Verdiyeva “Elmi biliklərin avtomatik əldə olunması probleminin tədqiqi” mövzusunda məruzə edib. O bildirib ki, informasiya texnologiyaları və insanların onlarla qarşılıqlı əlaqələri idrak proseslərinə təsir edərək biliklərin əldə olunması, yayılması, əlçatanlığı və istifadəsini yüksək səviyyəyə çatdırıb.
Əşyaların internetindən (IoT - The Internet of Things) söz açan məruzəçi bildirib ki, IoT proqram təminatları sensorlar və qəbuledicilər vasitəsilə əşyaların bir-biri ilə şəbəkə vasitəsilə qarşılıqlı əlaqəsini və verilənlərin ötürülməsini təmin edən dinamik, genişmiqyaslı mühitdir. IoT internetə çıxışı olan kompüter, notbuk, “ağıllı” telefonlar və s. kimi cihazlardan əlavə, həm də digər ənənəvi “ağıllı” olmayan cihazların - əşyaların internetə çıxışını ehtiva edir.
Sonda məruzə ətrafında müzakirələr aparılıb.
Bölmənin digər xəbərləri
