ƏMƏK VƏ ƏHALİNİN SOSİAL MÜDAFİƏSİ NAZİRLİYİNİN “YENİ HƏYAT” QƏZETİNİN 10 YAŞI TAMAM OLUR
Bakı, 4 fevral (AZƏRTAC). Əmək və Əhalinin Sosial Müdafiəsi Nazirliyinin (ƏƏSMN) “Yeni həyat” qəzetinin 10 yaşı tamam olur.
Qəzetdə dövlətimizin sosial siyasəti və onun icrası istiqamətində hökumətin, o cümlədən ƏƏSMN-nin həyata keçirdikləri sosial müdafiə tədbirləri geniş şəkildə işıqlandırılır. Sosial qanunvericilik və digər sahələrlə bağlı maarifləndirmə işi aparılır, mənəvi-əxlaqi dəyərlər, ictimai həyatımız ilə bağlı maraqlı və düşündürücü yazılar və başqa mövzularda məqalələr dərc olunur.
Son illərdə ƏƏSMN-nin rəhbərliyi tərəfindən “Yeni həyat” qəzetinin maddi-texniki bazasının gücləndirilməsinə, nazirliyin struktur bölmələrində qəzetə abunə yazılışının yüksək səviyyədə təmin olunmasına və digər məsələlərə böyük diqqət və qayğı göstərilməkdədir. Nəticədə qəzet redaksiyasının iş şəraiti xeyli yaxşılaşmış, burada çalışan əməkdaşların rifah halının yaxşılaşdırılmasına istiqamətlənən davamlı tədbirlər həyata keçirilmişdir.
“Yeni həyat” qəzeti 2000-ci il fevral 5-dən nəşr olunur.
######
Bölmənin digər xəbərləri
