Magistral yolda idarəetmədən çıxan avtomobil ölümə səbəb olub
Şamaxı, 10 fevral, Rəşad Türkoğlu, AZƏRTAC
Şamaxıda yol-nəqliyyat hadisəsi ölümlə nəticələnib.
AZƏRTAC-ın bölgə müxbiri xəbər verir ki, hadisə Bakı–Şamaxı–Yevlax avtomobil yolunun Şamaxı rayonu ərazisindən keçən hissəsində baş verib. İlkin məlumata görə, hərəkətdə olan minik avtomobili idarəetmədən çıxaraq yol kənarındakı ağaca çırpılıb.
Qəza nəticəsində xəsarət alan sərnişin, 66 yaşlı Qabil Sərkərov Şamaxı Rayon Mərkəzi Xəstəxanasına çatdırılıb. Həkimlərin müdaxilələrinə baxmayaraq, o, xəstəxanada vəfat edib.
DİN-in mətbuat xidmətinin regional qrupundan AZƏRTAC-ın yerli bürosunun sorğusuna cavab olaraq bildirilib ki, faktla bağlı cinayət işi başlanılıb, hazırda araşdırma aparılır.
Bölmənin digər xəbərləri
