Əməkhaqqının birgə maliyyələşdirilməsi proqramı üzrə bu il 1800-dən çox şəxsə göndəriş verilib
Bakı, 22 dekabr, AZƏRTAC
Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyinin icra etdiyi “İşəgötürənlə birgə işçilərin əməkhaqqının maliyyələşdirilməsi” proqramı üzrə həm işsiz şəxslərə, həm də işəgötürənlərə dəstəyin göstərilməsi davam edir.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, bu il proqram üzrə 1800-dən çox işsiz şəxsə iş yerlərinə göndəriş verilib. Proqramda iştirak üçün müraciət edən 213 işəgötürənlə əməkdaşlıq müqaviləsi imzalanıb.
Həmin işəgötürənlərin təqdim etdiyi vakansiyalar üzrə işlə təmin edilən şəxslərin 1 il ərzində əməkhaqlarının bir hissəsi Dövlət Məşğulluq Agentliyi tərəfindən maliyyələşdirilir.
Ümumilikdə proqramın icra edildiyi 2 il ərzində 404 işəgötürənlə əməkdaşlıq müqaviləsi imzalanmaqla 3400-dək işsiz şəxsə iş yerlərinə göndəriş verilib.
Bölmənin digər xəbərləri
