ƏNDİCAN HADİSƏLƏRİ İLƏ BAĞLI DAHA 41 NƏFƏR UZUN MÜDDƏTƏ AZADLIQDAN MƏHRUM OLUNMUŞDUR
Özbəkistanın Ali Məhkəməsinin mətbuat xidmətinin məlumatında deyilir ki, Özbəkistan Cinayət Məcəlləsinin terrorizm, girov götürmə, adam öldürmə, dövlət çevrilişinə cəhd və digər maddələri ilə ittiham edilmiş müttəhimlər 12 ildən 20 ilədək azadlıqdan məhrum olunmuşlar.
Onların hamısı günahlarını boyunlarına almışlar. Xatırladırıq ki, bundan əvvəl ayrı-ayrılıqda 73 nəfər bu maddələrlə cinayət məsuliyyətinə cəlb edilmişdir.
Özbəkistan Baş Prokurorluğunun məlumatına görə, Əndican hadisələrində 187 adam həlak olmuşdur ki, onların 60-ı dinc sakinlər, 31-i hüquq-mühafizə orqanlarının əməkdaşı, 94-ü terrorçudur. Ölkənin hüquq müdafiəçiləri və bir sıra beynəlxalq təşkilatların nümayəndələri isə bu hadisələrdə ölənlərin sayının 800-dən artıq olduğunu iddia edirlər.
Bölmənin digər xəbərləri
