ERMƏNİLƏRƏ FAKTLARLA CAVAB VERİLİR
AZƏRTAC xəbər verir ki, “Adiloğlu” nəşriyyatında “Ermənistanın Azərbaycana təcavüzü və dünya siyasəti” kitabı nəşr edilmişdir.
Kitabda Ermənistanın Azərbaycana təcavüzü, Dağlıq Qarabağ münaqişəsinin təkcə regional məsələ deyil, eyni zamanda dünya siyasətinə təsir göstərən məsələ olduğu göstərilir.
Əsərdə münaqişənin yaranma səbəbləri, onun nizamlanması prosesində beynəlxalq təşkilatların rolu və vəzifəsi, ATƏT-in Minsk qrupu, həmsədrlərin mövqeyi və münaqişəyə münasibəti araşdırılır, beynəlxalq hüquqi sənədlərə istinad edilərək, “öz müqəddəratını təyinetmə” və “dövlətlərin varisliyi” məsələləri kimi erməni iddialarına tutarlı faktlarla cavab verilir.
Kitabın elmi redaktoru tarix elmləri doktoru, professor Musa Qasımlı, rəyçi tarix elmləri doktoru, professor Eldar İsmayılovdur.
Kitab Bakı Slavyan Universiteti Beynəlxalq münasibətlər və regionşünaslıq fakültəsi Elmi Şurasının qərarı ilə nəşr olunmuşdur.
