ERMƏNİSTAN KÜTLƏVİ İNFORMASİYA VASİTƏLƏRİNİN NÖVBƏTİ YALANI
AZƏRTAC-ın xüsusi müxbiri Ankaradan xəbər verir ki, Ermənistan kütləvi informasiya vasitələri Yerevanda səfərdə olan Avropa Komissiyasının sədri Romano Prodinin guya Türkiyənin AB-yə üzv olmaq üçün Ermənistanla sərhədləri açmasını tələb etməsi barədə xəbər yaymışlar. Türkiyənin bəzi kütləvi informasiya vasitələri və xarici xəbər agentlikləri də erməni təbliğatının yalanına uyaraq, bu məlumatı dəqiqləşdirmədən oxucularına çatdırmışlar.
Türkiyənin “Zaman” qəzeti bu xəbərlərin həqiqətə uyğun olmadığını bildirmişdir. Avropa Birliyinin rəsmi nümayəndələri qəzetin müxbirlərinə
AB-nin Türkiyə qarşısında belə bir şərt qoymadığını açıqlamış, Avropa Komissiyasının sədri Romano Prodinin sözlərinin Ermənistanın kütləvi informasiya vasitələri tərəfindən dəyişdirildiyini bildirmişlər.
Bölmənin digər xəbərləri
