Ermənistan ordusunun əsgəri fərarilik edib
Bakı, 13 iyun, AZƏRTAC
Azərbaycanın Ermənistan tərəfindən işğal edilmiş Madagiz yaşayış məntəqəsində yerləşdirilən düşmən ordusunun qumbaraatan batareyasında xidmət edən əsgər Samson Harutunyan xidmət yerindən qaçıb.
AZƏRTAC erməni KİV-lərinə istinadla xəbər verir ki, batareyanın əsgəri müalicə üçün hərbi hospitala göndərilməsinə baxmayaraq, tibb məntəqəsinə gedərkən yolda qaçıb.
Fərarilik edən əsgərin tapılması və geri qaytarılması üçün hərbi polis tərəfindən tədbirlər görülür. Faktla bağlı qaldırılan cinayət işi üzrə araşdırma aparılır.
Bölmənin digər xəbərləri
