ERMƏNİSTAN SİLAHLI QÜVVƏLƏRİNİN BÖLMƏLƏRİ ATƏŞKƏS REJİMİNİ POZMAQDA DAVAM EDİR
Müdafiə Nazirliyinin mətbuat xidmətindən AZƏRTAC-a verilən məlumata görə, Ermənistan silahlı qüvvələrinin bölmələri avqustun 12-də saat 18.45-dən 18.50-dək İcevan rayonunun Paravakar kəndi ərazisində yerləşən mövqelərindən Azərbaycan Ordusunun Qazax rayonunun ərazisindəki adsız yüksəkliklərdə yerləşən mövqelərini, saat 17.55-dən 18.00-dək, 20.13-dən 20.20-dək və 21.25-dən 21.30-dək Xocavənd rayonunun Kuropatkino kəndi yaxınlığında yerləşən mövqelərindən atəş açmışlar. Düşmən saat 22.35-dən 23.45-dək Füzuli rayonunun ərazisindəki adsız yüksəkliklərdə və Qərvənd kəndi yaxınlığında yerləşən mövqelərdən, avqustun 13-də saat 5.45-dən 6.00-dək Tərtər rayonunun Göyarx kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Bütün hallarda düşmən cavab atəşi ilə susdurulmuşdur. İtki yoxdur.
Bölmənin digər xəbərləri
