Ermənistanda koronavirus xəstələrinin sayı 43 minə çatıb
Tbilisi, 25 avqust, AZƏRTAC
Ermənistanda koronavirusa yoluxma halları artmaqda davam edir. Artıq COVID-19 virusuna yoluxanların sayı 43 minə çatıb.
AZƏRTAC xəbər verir ki, bu barədə Ermənistan Səhiyyə Nazirliyinin Xəstəliklərə Nəzarət və Onların Profilaktikası Milli Mərkəzi məlumat yayıb.
Bildirilir ki, son 24 saat ərzində ölkədə daha 111 nəfərdə koronavirus aşkarlanıb.
Bununla da Ermənistanda koronavirusa yoluxanların sayı 42 min 936-ya çatıb.
Pandemiya qurbanlarının sayı da artaraq 858 nəfərə çatıb, onlarında 4-ü son sutka ərzində ölüb.
Bundan başqa, koronavirus xəstəsi olan 260 nəfər başqa səbəblərdən dünyasını dəyişib.
Hazırda Ermənistanda 5 min 343 aktiv koronavirus xəstəsinin olduğu bildirilir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
