Ermənistanda koronavirusdan ölənlərin sayı 869 nəfərə çatıb
Tbilisi, 28 avqust, AZƏRTAC
Ermənistanda son 24 saat ərzində ölkədə daha 181 nəfərdə koronavirus aşkar olunub.
AZƏRTAC xəbər verir ki, bu barədə Ermənistan Səhiyyə Nazirliyinin Xəstəliklərə Nəzarət və Onların Profilaktikası Milli Mərkəzi məlumat yayıb.
Bildirilir ki, hazırda Ermənistanda COVID-19-a yoluxanların ümumi sayı 43 min 451-ə çatıb.
Pandemiya qurbanlarının sayı daha 5 fakt artaraq 869-a çatıb.
Bundan başqa, ölkə üzrə 266 koronavirus xəstəsi başqa səbəblərdən dünyasını dəyişib. Bununla da son 5 gün ərzində Ermənistanda başqa səbəblərdən ölən koronavirus xəstələrinin sayı 1500-ə çatıb.
Hazırda Ermənistanda 5052 aktiv koronavirus xəstəsinin olduğu bildirilir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
