Fərid Osmanov: Maliyyə sisteminin inkişafı strategiyası tamamlanmaq üzrədir
Bakı, 1 noyabr, AZƏRTAC
Ödəniş xidmətləri və ödəniş sistemləri haqqında qanun noyabrın 9-da qüvvəyə minəcək.
AZƏRTAC xəbər verir ki, bu barədə Azərbaycan Mərkəzi Bankının baş direktoru Fərid Osmanov noyabrın 1-də Bakıda keçirilən VII Beynəlxalq Bankçılıq Forumunda deyib.
O bildirib ki, noyabrın 9-dan sonra maliyyə bazarlarında ödəniş effektivliyinin formalaşdırılması istiqamətində zəruri və fundamental tədbirlərə başlanılacaq: "Strateji hədəfimiz növbəti dövr ərzində açıq bankçılıq platforması konsepsiyasının formalaşdırılması, açıq bankçılıqdan açıq maliyyəyə keçidin sürətləndirilməsidir. Bu keçid bizə imkan verəcək ki, bank sektoru ilə yanaşı, sığorta və digər kapital bazarları sahəsində də açıq məlumatların paylanması imkanlarını təşviq edək".
Diqqətə çatdırılıb ki, hazırda maliyyə sisteminin inkişafı strategiyası formalaşdırılır və bu strategiya tamamlanmaq üzrədir.
Bölmənin digər xəbərləri
