Fərid Qayıbov: Vüqar Həşimov Memorialı şahmatın təbliği baxımından faydalıdır
Şuşa, 28 sentyabr, Elnur Salahov, AZƏRTAC
“Bu yarış daha əvvəl Azərbaycanın müxtəlif şəhərlərində keçirilib. Bu dəfə Şuşada baş tutdu. Vüqar Həşimovun ailəsinə təşəkkür edirəm ki, hər dəfə belə yarışlar təşkil edir”.
AZƏRTAC xəbər verir ki, bu sözləri gənclər və idman naziri Fərid Qayıbov Şuşada keçirilən şahmat üzrə Vüqar Həşimov Memorialının bağlanış mərasimindən öncə jurnalistlərə müsahibəsində deyib.
2024-cü ildə ikinci dəfə Şuşada beynəlxalq yarış təşkil olunduğunu xatırladan nazir burada müxtəlif ölkələrdən iştirakçıların mübarizə apardığını bildirib: “Düşünürəm ki, belə yarışlar hər il olmalıdır. Bunun üçün biz də öz dəstəyimizi göstərəcəyik. Bu, şahmatın təbliği baxımından faydalıdır”.
Qeyd edək ki, Azərbaycan Şahmat Federasiyasının, Vüqar Həşimov Şahmat Fondu, Gənclər və İdman Nazirliyinin birgə təşkilatçılığı ilə 10-cu dəfə təşkil edilən memorialın qalibi FIDE bayrağı altında çıxış edən Yan Nepomnyaşi olub.
Bölmənin digər xəbərləri
