FİDEL KASTRO KORRUPSİYAYA VƏ OĞURLUĞA QARŞI MÜHARİBƏ ELAN ETMİŞDİR
O, noyabrın 17-də yerli televiziyanın canlı efirindən bildirmişdir ki, antisosial ünsürlərə qarşı mübarizədə heç kim istisna olunmayacaq və dövlət vəsaitindən istifadəyə nəzarət gücləndiriləcəkdir. Kuba liderinin sözlərinə görə, korrupsiya ilə daim mübarizə aparılacaqdır.
F.Kastro demişdir ki, biz cinayətlər, dövlət əmlakından qanunsuz istifadə və oğurluqla mübarizəyə başlayacağıq. Uzun illərdir dövlətin nəzarəti altında olan tikinti meydanlarından və anbarlardan oğurluqlar qeydə alınır. Təkcə benzindoldurma stansiyalarından yanacaq oğurluğu ölkə iqtisadiyyatına on milyonlarla dollar ziyan vurmuşdur.1990-cı illərdə ölkənin keçirdiyi ağır iqtisadi böhrandan sonra yaranmış “yeni varlılar” bundan mənfəət əldə edirlər.
Kuba lideri bildirmişdir ki, hakimiyyət orqanlarının o dövrdə həyata keçirdikləri tədbirlər qeyri-bərabərliyin yaranmasına səbəb olmuşdur. Lakin indi hökumət elə edəcəkdir ki, hər bir kubalı halal zəhməti ilə qazandığı vəsait hesabına yaşasın.
Bölmənin digər xəbərləri
