FİDEL KASTRO ONUN XƏSTƏLİYİ BARƏDƏ XƏBƏRLƏRƏ İSTEHZA İLƏ CAVAB VERMİŞDİR
Kastronun tələbələr qarşısında çıxışı beş saatdan çox çəkmişdir və Kuba liderinin hələ sağlam olduğunu göstərməli idi. O, əla fiziki formada və yaxşı əhval-ruhiyyədə idi və xəstəliyi barədə bu yaxınlarda yayılmış şayiələrlə əlaqədar zarafat edirdi. Kuba Prezidentinin sözlərinə görə, şayiələr yaymaqla onun ideoloji düşmənləri məşğul olurlar. Onlar Kastronun guya öldüyü barədə dəfələrlə xəbərlər yaymışdılar.
Bu günlərdə Mayami qəzetlərindən biri yazmışdır ki, MKİ mütəxəssislərinin qənaətinə görə, Fidel Kastroda Parkinson xəstəliyinin əlamətləri aşkarlanmışdır. MKİ bu qənaətə Kuba başçısının kütlələr qarşısında çıxışlarını ətraflı təhlil etdikdən sonra gəlmişdir.
Son xəbərlərə görə, Kastro doğma qardaşı, müdafiə naziri vəzifəsini tutan 74 yaşlı Raulu öz varisi təyin etmişdir.
Xatırladaq ki, Fidel Kastro 46 ildir Kubanın rəhbəridir.
Bölmənin digər xəbərləri
