FİLARMONİYANIN XALQ ÇALĞI ALƏTLƏRİ ORKESTRİNİN QASTROL SƏFƏRİ
Müslüm Maqomayev adına Azərbaycan Dövlət Filarmoniyasının xalq çalğı alətləri orkestri sentyabrın 3-də İran İslam Respublikasına qastrol səfərinə yola düşmüşdür.
Kollektivin bədii rəhbəri və baş dirijoru professor Ağaverdi Paşayev Azərtac-a bildirmişdir ki, 10 gün davam edəcək səfərdə orkestr dost və qonşu ölkənin paytaxtında konsertlər verəcəkdir. Konsert proqramına Azərbaycan bəstəkarlarının əsərləri, xalq mahnıları və muğamlar daxildir. Orkestrimiz ilk dəfədir ki, İrana gedir. Bilirik ki, İranda bizim musiqimizi çox sevirlər. Azərbaycan Prezidenti Heydər Əliyevin bu ölkəyə səfəri ərəfəsində bizim çıxışlarımız dövlətlərimiz arasında əməkdaşlığın, o cümlədən mədəni əlaqələrin genişləndirilməsinə xidmət edəcəkdir.
Bölmənin digər xəbərləri
