Formula 1-in Vyanada açılan sərgisi böyük marağa səbəb olub
Bakı, 5 fevral, AZƏRTAC
Avstriyanın paytaxtı Vyanada bu günlərdə Formula 1-in rəsmi sərgisi - “F1 Exhibition” açılıb.
AZƏRTAC xarici mediaya istinadla xəbər verir ki, Avstriya mətbuatı bu hadisənin böyük maraq yaratmasından, Vyananın “METAStadt” sərgi mərkəzində 3 min kvadratmetr sahəni əhatə edən ekspozisiyanı izləməyi arzulayanların sayının həddən artıq böyük olmasından yazır.
Ötən il premyerası Madriddə keçirilən sərgiyə hazırlıq 6 il davam edib, indi isə “F1 Exhibition” Vyanaya yerləşib və iyunun 16-dək burada fəaliyyət göstərəcək.
Ekspozisiya yeddi zalı əhatə edir və dünya çempionatı tarixinin ən mühüm məqamlarından, avtomobil idmanının ali liqasının texniki tərəfindən, eləcə də Formula 1-in gələcəkdə necə inkişaf edəcəyindən söhbət açır. Sərgi zallarından biri Avstriya Qran-Prisinə ev sahibliyi edən “Red Bull Ring” avtodromu ilə birgə bəzədilib. Builki yürüş Şpilberqdə iyunun son uik-endində keçiriləcək.
Bölmənin digər xəbərləri
