FORUM TEATRI “İMTAHAN” TAMAŞASINI TƏQDİM EDƏCƏK
Tamaşada hadisələr, əsasən, universitet tələbələri arasında cərəyan edəcəkdir. Personajlardan biri seçki kampaniyası aparır, lakin onun tələbə yoldaşları seçkilərdə iştirakın vacibliyini və seçki hüququnun əsas qayəsini dərk etmək istəmirlər. Tamaşa vətəndaşları seçkilərdə fəal iştirak etməyə çağırır.
Forum teatrı Auqusto Boalın yaratdığı teatr strukturudur. Burada müxtəlif problemli vəziyyətlər təqdim edilir. Birinci hissədən sonra səhnəyə dəvət olunan tamaşaçılar vəziyyətdən müxtəlif çıxış yolları təklif edə bilərlər.
Böyük Britaniyanın təhsil imkanları və mədəniyyət əlaqələri sahəsində fəaliyyət göstərən beynəlxalq təşkilatı British Councilin bu ölkənin Azərbaycandakı səfirliyinin dəstəyi ilə həyata keçirdiyi layihə dünyanın 110 ölkəsində də gerçəkləşdirilir.
Bölmənin digər xəbərləri
