Fransa klubu “Qarabağ”la matçda əsas oyunçularına istirahət verə bilər
Bakı, 26 noyabr, AZƏRTAC
Fransanın “Lion” komandası UEFA Avropa Liqasının əsas mərhələsinin V turunda "Qarabağ"a qarşı keçirəcəyi oyunda aparıcı futbolçularına istirahət verə bilər.
AZƏRTAC Fransa mətbuatına istinadən xəbər verir ki, Liqa 1 təmsilçisinin baş məşqçisi Pyer Saqenin Bakıdakı matçda daha az oynayan oyunçulara şans verəcəyi gözlənilir. Hücumçu Aleksandr Lyakazett, yarımmüdafiəçi Nemanya Matiç və müdafiəçi Abner Vinisius Bakıdakı qarşılaşmanı ehtiyat oyunçular skamyasından izləyə bilərlər. Əvəzində isə bu mövsüm meydanda az vaxt keçirən Vilfred Zaha, Maksans Kakere və Jordan Veretunun oyuna start heyətində başlamaq ehtimalı var.
Qeyd edək ki, noyabrın 28-də Tofiq Bəhramov adına Respublika Stadionunda keçiriləcək “Qarabağ”-“Lion” matçı saat 21:45-də başlayacaq.
Bölmənin digər xəbərləri
