Fransa mətbuatı: Dağlıq Qarabağ Ermənistandan yardım alan separatçı rejim tərəfindən idarə olunur
Paris, 4 aprel, AZƏRTAC
Fransanın lefigaro.fr saytı aprelin 2-də baş vermiş gərgin döyüşlərdən sonra Dağlıq Qarabağda Azərbaycanın birtərəfli atəşkəs elan etdiyindən yazıb. Məqalədə bildirilir ki, Azərbaycan xoş məram göstərərək hərbi əməliyyatları dayandırmaqla bağlı birtərəfli qərar qəbul edib. Ancaq Azərbaycanın yaşayış məntəqələrinin atəşə tutulması dərhal dayandırılmayacağı təqdirdə işğal olunmuş ərazilərdəki erməni məntəqələrinə cavab zərbələri endiriləcək.
Məlumatda deyilir ki, 1991-ci ildən Dağlıq Qarabağ Ermənistandan hərbi və maliyyə dəstəyi alan separatçı rejim tərəfindən idarə olunur. 1994-cü ildə atəşkəs sazişi imzalansa da, son günlər Ermənistan və Azərbaycan qoşunlarının təmas xəttində gərginlik artıb.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
