Fransa nüvə silahlarının yayılmamasına beynəlxalq nəzarətin gücləndirilməsini tələb edib
Paris, 28 aprel, AZƏRTAC
“Nüvə silahlarının yayılmaması haqqında” Müqavilənin nəzərdən keçirildiyi konfransın açılışında Fransanın xarici işlər naziri Jan-Noel Barrot ciddi xəbərdarlıqla çıxış edib.
AZƏRTAC xəbər verir ki, o, Rusiyanın nüvə çəkindiriciliyinin müdafiəçi mahiyyətini sarsıdan siyasət yürütdüyünü bildirib və rəsmi Moskvanı mövqeyini dəyişdirməyə çağırıb.
Nazir, həmçinin Çin tərəfdən strateji gücün artması fonunda daha çox şəffaflıq tələb edib.
O, eyni zamanda vurğulayıb ki, İran son illərdə müəyyən edilmiş bütün “qırmızı xət”ləri keçib. “İran nüvə silahından tamamilə imtina etməli və beynəlxalq öhdəliklərə riayət olunmalıdır”, - deyə o diqqətə çatdırıb.
Jan-Noel Barrot, eyni zamanda, Şimali Koreyanı BMT Təhlükəsizlik Şurasının qətnamələrinə uyğun olaraq nüvə və ballistik proqramlarını “tam, yoxlanıla bilən və geridönməz şəkildə” dayandırmağa çağırıb.
Nazir Atom Enerjisi üzrə Beynəlxalq Agentliyin nəzarət mexanizmlərinin effektivliyini təmin etmək üçün imkanlarının artırılmasının vacib olduğunu deyib, nüvə silahlarının yayılmamasına beynəlxalq nəzarətin gücləndirilməsini tələb edib.
Bölmənin digər xəbərləri
