FRANSA QUŞ QRIPI TƏHLÜKƏSİNƏ QARŞI EHTIYAT TƏDBIRLƏRİ GÖRÜR
AZƏRTAC-ın xüsusi müxbiri xəbər verir ki, Fransa mümkün quş qripi epidemiyasının qarşısını almaq məqsədi ilə ehtiyat tədbirləri görməyə başlamışdır. Baş nazir Dominik Vilpen səhiyyə naziri Jan-Fransua Matte ilə görüşündə Avropanın bəzi ölkələrində qeydə alınmış quş qripinin Fransada da yayılması ehtimalını müzakirə etmişdir. Səhiyyə naziri 40 milyon vaksin ehtiyatı görüldüyü, onun 14 milyonunun anbarlarda saxlandığı və bu qədər vaksinin ölkə əhalisinin ancaq 25 milyonunu əhatə edəcəyi barədə məlumat vermişdir. O, bu bəla ilə mübarizə məqsədi ilə 250 milyon maskanın hazırlandığını, 2007-ci ilədək maskaların sayının 400 milyona çatdırılacağını bildirmişdir. Nazir quş qripinin yayıldığı güman edilən ölkələrdən qayıdan fransızların ciddi müayinədən keçirildiyini və həkim nəzarəti altında olduqlarını da diqqətə çatdırmışdır.
Bölmənin digər xəbərləri
