Fransa xislətinə sadiq qalır – minlərlə insanın ölümünə biganə münasibət
Bakı, 7 fevral, AZƏRTAC
Fevralın 6-da qardaş Türkiyədə baş verən güclü zəlzələlər minlərlə insanın ölümünə, on minlərlə insanın yaralanmasına, şəhərlərin yerlə-yeksan olmasına gətirib çıxarıb. Başda Azərbaycan olmaqla, dünya dövlətləri, beynəlxalq təşkilatlar Türkiyəyə öz yardımlarını göstərirlər. Belə bir məqamda hər vəziyyətdə Ermənistandan daha çox Ermənistan olmaqla diqqət çəkən Fransa yenidən öz xislətini göstərib.
AZƏRTAC xəbər verir ki, Fransanın türk-müsəlman düşmənliyi ilə seçilən “Çarli Hebdo” jurnalının tviter hesabında Türkiyədə dağılan binaların, çevrilmiş avtomobillərin əks olunduğu karikatura paylaşılıb. Daha əvvəllər Məhəmməd peyğəmbərin karikaturasını çəkib yayımlayan jurnal indi də bu sərsəm addımı ilə diqqətləri öz üzərinə çəkməyə çalışıb.
Bölmənin digər xəbərləri
