Fransalı velosipedçi: Biz burada rəqib deyil, dost qazanırıq
Bakı, 9 iyun, AZƏRTAC
Mükafatçılar sırasında yer aldığım üçün çox şadam. Finalda çox güclü rəqiblərim olduğundan finişə səkkizinci çatdım. Bu, mənim Bakıya ilk səfərimdir. Azərbaycanda idmana olan sevgini, diqqət və qayğını dünyanın heç bir ölkəsində görmək mümkün deyil. Bu, çox sevindirici haldır.
Bu sözləri AZƏRTAC-a müsahibəsində Bakıda keçirilən velosiped idmanının BMX növü üzrə dünya çempionatının mükafatçısı, 25-29 yaşlı velosipedçilərin yarışında səkkizinci yeri tutan fransalı idmançı Antuan Deruən deyib.
Fransalı velosipedçi Veloparkın möhtəşəmliyinə valeh olduğunu bildirib. “Əslində, burada çox mehriban mühit var. Biz burada rəqib deyil, dost qazanırıq. Çox gözəl çıxışlar oldu. Dünya çempionatından sonra Bakıya dostlarımla gələcəyəm”, - deyə Antuan Deruən qeyd edib.
Bölmənin digər xəbərləri
