Futbol üzrə İngiltərə çempionatının son iki turunun oyunlarına azarkeşlər buraxılacaq
Bakı, 5 may, AZƏRTAC
Futbol üzrə İngiltərə çempionatının oyunlarına azarkeşlərin buraxılması ilə bağlı müzakirələr artıq başa çatdırılıb.
AZƏRTAC xəbər verir ki, müzakirələr nəticəsində tamaşaçıların Premyer Liqanın son iki turunun oyunlarını tribunalardan izləmələrinə icazə verilməsi qərara alınıb. Bununla yanaşı, koronavirus pandemiyası səbəbindən tribunalara məhdud sayda tamaşaçının buraxılmasına icazə verilib. Belə ki, tribunalardan oyunları yalnız meydan sahibi komandanın azarkeşləri canlı izləyə biləcəklər. Qonaq komandanın azarkeşlərinın isə matçlara gələn mövsümdən buraxılması planlaşdırılır.
Xatırladaq ki, İngiltərə çempionatının son iki turunun oyunları mayın 19-da və 23-də keçiriləcək.
Bölmənin digər xəbərləri
