Futbolçu karyerasını başa vuran Klas-Yan Huntelara sabiq klubu “Ayaks”da vəzifə verilib
Bakı, 14 mart, AZƏRTAC
Futbolçu karyerasını başa vuran Klas-Yan Huntelara sabiq klubu “Ayaks”da vəzifə verilib.
AZƏRTAC klubun saytına istinadla xəbər verir ki, 38 yaşlı sabiq hücumçu Amsterdam klubunun idman departamentində çalışacaq. O, "Ayaks"ın idman direktoru vəzifəsindən qovulan Mark Overmarsı müvəqqəti əvəz edən Cerri Hamstranın köməkçisi olacaq.
Huntelar klubla 2024-cü ilin iyulunadək müqavilə imzalayıb.
Qeyd edək ki, Niderland millisinin sabiq üzvü 2006-2009-cu və 2017-2021-ci illərdə “Ayaks”da çıxış edib. O, klubda 257 oyunda 158 qol vurub.
Huntelar, həmçinin "Real", "Milan" və "Şalke" kimi klublarda da oynayıb.
Bölmənin digər xəbərləri
