Futzal üzrə Azərbaycan çempionatlarında cari mövsümün püşkü atılıb
Bakı, 18 sentyabr, AZƏRTAC
Bakı İdman Sarayında futzal üzrə Yüksək və Birinci liqalarda 2023/2024-cü illər mövsümünün püşkü atılıb.
AZƏRTAC Azərbaycan Futzal Federasiyasının rəsmi saytına istinadən xəbər verir ki, Yüksək Liqada 6 komanda iştirak edəcək, oyunlar 4 dövrədən və 20 turdan ibarət olacaq.
Mövsümə sentyabrın 26-da start veriləcək. Komandalar 7 legioner sifariş edə biləcəklər.
Birinci Liqada isə 12 komanda mübarizə aparacaq. Oyunlar 2 dövrədən və 22 turdan ibarət olacaq. Birinci turun oyunları oktyabrın 1-də keçiriləcək.
Yüksək Liqa, I tur
26 sentyabr
“Neftçi” İK - “Baku Fire”
“Araz - Naxçıvan” - “Yasamal Bakı”
“Record club” - U-19
Birinci Liqa, I tur
1 oktyabr
“Bakı” MFK - “Xan Lənkəran”
“STAR kargo” - “Trabzon Azərbaycan”
“Metropoliten” - “Şuşa”
“Dalğa” - “Dəstə Ordubad”
“Baku Fire-2” - “Ulduz”
PFL - “Timsport”
Bölmənin digər xəbərləri
