“G 20” jurnalı Azərbaycanın inkişafı ilə bağlı materiallara geniş yer ayırıb
Antalya, 15 noyabr, AZƏRTAC
“Böyük İyirmiliyin” (G20) Antalya şəhərində keçirilən Sammiti ilə bağlı ingilis dilində nəşr edilən “G20” jurnalı Azərbaycanın hərtərəfli inkişafına dair materiallara geniş yer ayırıb.
Jurnal Türkiyənin sədrliyi dövründə “Böyük İyirmilik”də xüsusi dəvətli qonaq statusu ilə təmsil olunan Azərbaycanın bu təşkilata verdiyi töhfələrdən bəhs edir.
“Azərbaycan 24 illik müstəqillik dövründə özünəməxsus inkişaf yolu keçib” sərlövhəli məqalədə Prezident İlham Əliyevin rəhbərliyi ilə həyata keçirilən inkişaf strategiyası diqqətə çatdırılır. Xəzərin Azərbaycan sektorundakı karbohidrogen ehtiyatlarının işlənməsi ilə bağlı 1994-cü ildə imzalanan “Əsrin müqaviləsi”nin Bakı-Tbilisi-Ceyhan, Bakı-Tbilisi-Ərzurum neft-qaz kəmərləri, Bakı-Tbilisi-Qars dəmir yolu, TANAP, TAP kimi qlobal layihələrə yol açdığı vurğulanır.
Məqalədə “Bakı-2015” birinci Avropa Oyunlarının yüksək səviyyədə təşkil olunması, “ASAN xidmət”in tətbiqinin əhali məmnunluğuna müsbət təsiri, ölkəmizin cəlbedici sərmayə mühiti, dinamik sosial-iqtisadi inkişafı, perspektiv layihələr barədə də ətraflı məlumat verilir.
Bundan başqa, jurnalda Azərbaycanın İKT, bank və maliyyə sahəsində qazandığı uğurlardan bəhs edən məqalələr də dərc olunub.
Sabir Şahtaxtı
AZƏRTAC-ın xüsusi müxbiri
Antalya
Bölmənin digər xəbərləri
