Bakı, 17 sentyabr, AZƏRTAC

Gələn ilin əvvəlinə İraqa ixrac missiyası planlaşdırılır.

AZƏRTAC xəbər verir ki, bunu İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev Azərbaycan-İraq biznes forumunda çıxışı zamanı deyib.

Y.Abdullayev bildirib ki, bu ilin yanvarında AZPROMO-nun nümayəndələrinin Ərbil şəhərinə səfəri çərçivəsində İraqda Ticarət Evinin açılması təklifi müzakirə olunub: “İlkin büdcə və gözləntiləri əks etdirəcək smetanın hazırlanması ilə bağlı qarşı tərəfə sorğu ünvanlanıb”.