Gənc cüdoçulardan ibarət Azərbaycan yığması komanda hesabında dünya ikincisi olub
Bakı, 8 oktyabr, AZƏRTAC
Azərbaycanın gənc cüdoçuları Portuqaliyanın Odivelas şəhərində keçirilən dünya çempionatının fərdi yarışlarında 1 qızıl və 2 gümüş medal qazanıblar.
AZƏRTAC xəbər verir ki, yığmamız medal əyarına görə oğlanlar arasında komanda hesabında ikinci yeri tutub.
Yarışda Azərbaycanı 11 çəki dərəsində 8 oğlan və 7 qız cüdoçu təmsil edib.
Dünya çempionatının fərdi yarışlarında Vüsal Qələndərzadə (73 kiloqram) qızıl, Nizami İmranov (60 kiloqram) və Vüqar Talıbov (90 kiloqram) gümüş medala sahib olublar. Könül Əliyeva (48 kiloqram), Ömər Rəcəbli (81 kiloqram) və Ramazan Əhmədov (+100 kiloqram) isə yarışı beşinci yerdə tamamlayıblar.
Bölmənin digər xəbərləri
