GƏNC JURNALİSTLƏR VI ÜMUMRESPUBLİKA MÜSABİQƏSİNİN QALİBLƏRİ MÜKAFATLANDIRILMIŞDIR
AZƏRTAC xəbər verir ki, iyulun 22-də Gənclər və İdman nazirliyində Milli Mətbuat günü münasibətilə “Gənc Jurnalistlərin VI Ümumrespublika müsabiqəsi”nin qalibləri mükafatlandırılmışdır.
Tədbirdə nazirliyin mətbuat katibi Səmayə Məmmədova və yaradıcı gənclərlə iş və asudə vaxtın təşkili sektorunun müdiri Namiq Cəfərov jurnalistləri əlamətdar gün münasibətilə təbrik etmişlər.
Natiqlər gənclərin mənəvi-əxlaqi və vətənpərvərlik tərbiyəsi işinin gücləndirilməsində, elm, təhsil, mədəniyyət, ictimai-siyasi, idman sahəsində gənclərin nailiyyətlərinin işıqlandırılmasında jurnalistlərin əməyini xüsusi vurğulamışlar.
Bildirilmişdir ki, müsabiqəyə 28 iştirakçının 43 məqaləsi təqdim olunmuşdur.
Sonra müsabiqənin qalibi olan bir qrup jurnalistə diplomlar və pul mükafatları təqdim edilmişdir.
Bölmənin digər xəbərləri
