GƏNCƏ RABİTƏÇİLƏRİNİN UĞURU
Gəncə telekommunikasiya idarəsinin kollektivi üçüncü ildir ki, rabitə nazirliyinin və sahə həmkarlar ittifaqı respublika komitəsinin keçici bayrağına layiq görülmüşdür. Ötən şənbə günü bayrağın təqdimetmə mərasimi keçirilmişdir.
Mərasimdə “Aztelekom”un baş direktoru Nazim Cəfərov çıxış edərək respublika rabitəçilərinin, Gəncə telekommunikasiya idarəsinin son illər qazandıqları uğurlardan danışdı, bayrağı təntənəli surətdə kollektivin üzvlərinə təqdim etdi. “Rabitə dünyası” qəzetinin baş redaktoru Müşfiq Əliyev isə Gəncə telekommunikasiya idarəsinin rəisi Nəriman Salmanova “İlin rəisi” diplomunu verdi.
Sonra Gəncə şəhər icra hakimiyyətinin başçısı Eyvaz Babayev, respublika ziyalılar cəmiyyətinin sədri, akademik Məmmədtağı Cəfərov, Yeni Azərbaycan Partiyası Gəncə şəhər təşkilatının sədri Nizami Əhmədov, müharibə və əmək veteranı Yusif Yusifov və başqaları çıxış edərək, kollektivi qazandığı nailiyyət münasibətilə təbrik etdi, bundan sonrakı işlərində onlara uğurlar arzuladılar.
Bölmənin digər xəbərləri
