İQTİSADİYYAT
GƏNCƏDƏ BEYNƏLXALQ SEMİNAR
İqtisadi İnkişaf Nazirliyi BMT-nin İnkişaf Proqramı və Kanadanın Texniki Əməkdaşlıq Təşkilatı ilə birgə Gəncədə beynəlxalq seminar keçirmişdir. Dövlət tərəfindən kömək, sahibkarlığın inkişafı üçün əlverişli şəraitin yaradılması, maliyyə-kredit və sərmayə təminatı üzrə tədbirlərin keçirilməsi, vergi siyasəti vasitəsilə sahibkarlığın inkişaf sahəsində beynəlxalq təcrübə ilə tanışlıq məsələlərinə həsr olunmuş seminarda, əsasən, respublikamızın qərb bölgəsinin nümayəndələri iştirak etmişlər.
Seminarda Kanada Beynəlxalq İnkişaf Agentliyinin təmsilçisi, Çikaqo Universitetinin professoru Silvester Damusun “Sahibkarlıqda dövlət köməyinin həyata keçirilməsi, sahibkarlığın dövlət tənzimlənməsi və sahibkarlıq mühitinin formalaşdırılması sahəsində beynəlxalq təcrübə”, respublika İqtisadi İnkişaf Nazirliyinin şöbə rəisi Tanrıverdi Əliyevin “Sahibkarlığın inkişafında maliyyə-kredit və sərmayə təminatı, vergi siyasəti və bu sahədə beynəlxalq praktikada həyata keçirilən tədbirlər” mövzusunda məruzələri dinlənilmişdir.
Sonra məruzələr ətrafında fikir mübadiləsi aparılmış, iştirakçıların suallarına ətraflı cavab verilmişdir.