GƏNCLƏR FORUMUNUN BİRİNCİ MƏRHƏLƏSİ BAŞLANMIŞDIR
Gənclərin 3-cü respublika forumunun birinci mərhələsi başlanmışdır. Gənclər, İdman və Turizm Nazirliyinin mətbuat mərkəzindən bildirmişlər ki, “Uşaqların və yeniyetmələrin sosial, fiziki, intellektual və mənəvi inkişafı” şüarı altında keçirilən bu mərhələnin ilk həftəsi çərçivəsində ölkənin bütün rayon və şəhərlərində uşaqların və yeniyetmələrin 2-ci respublika elmi-texniki yaradıcılıq müsabiqəsinin rayon və şəhər mərhələləri, “Şahin” hərbi-idman oyunu üzrə yarışlar, “Şən startlar”, “Breynrinq” əyləncə oyunları keçirilmiş, “Doğma diyar” fotosərgisi açılmışdır.
Tədbirlərdə nazirliyin, yerli hakimiyyət orqanlarının, hərbi komissarlıqların nümayəndələri, Şamaxı, Salyan və Dəvəçidə isə nazir Əbülfəz Qarayev başda olmaqla nazirliyin rəhbərliyi fəal iştirak etmişdir.
Bölmənin digər xəbərləri
