GƏNCLƏRİN BƏLƏDİYYƏLƏRDƏ TƏMSİL OLUNMASI VACİBDİR
Milli Şuranın sədri Fuad Muradov giriş sözü ilə tədbiri açaraq müzakirə olunan məsələ ilə bağlı fikirlərini bölüşmüşdür.
Gənclər idman və turizm nazirinin müavini İntiqam Babayev çıxış edərək Azərbaycanda bələdiyyələrin fəaliyyətində gənclərin problemlərinin həllinə az yer verilməsindən danışmışdır. O, bələdiyyələrin gənclərlə zəif iş qurmasından təəssüfləndiyini vurğulayaraq, əmin olduğunu bildirmişdir ki, növbəti bələdiyyə seçkilərindən sonra yeni formalaşacaq tərkiblər bu sahədəki boşluğu aradan qaldıracaqlar.
Digər çıxış edənlər yerli özünüidarəetmə orqanlarının fəaliyyətində gənclərin problemlərinə yaxınlaşmanı təmin etmək üçün qarşıdan gələn bələdiyyə seçkilərində gənclərin fəallığını artırmağın vacibliyini vurğulamışlar. Qeyd olunmuşdur ki, gənclər öz problemlərini daha yaxşı bildiklərinə görə, bələdiyyələrdə təmsil olunmaqla bu qurumların işində gənclərə münasibətdə ciddi dəyişiklik yaradılmasına nail ola bilərlər.
Axırda iştirakçıları maraqlandıran suallara cavab verilmişdir.
Bölmənin digər xəbərləri
