GƏNCLƏRİN TƏŞVİQAT AVTOBUSU CƏNUB BÖLGƏSİNDƏ OLMUŞDUR
AZƏRTAC-ın müxbiri xəbər verir ki, “Gənclər ili” ilə əlaqədar Gənclər və İdman Nazirliyi tərəfindən həyata keçirilən “Mən Azərbaycan vətəndaşıyam” təşviqat kampaniyası çərçivəsində respublika gənclərinin təşviqat avtobusu cənub bölgəsində olmuşdur.
Gənclər və İdman Nazirliyinin vətənpərvərlik və vətəndaşlıq tərbiyəsi sektorunun müdiri Əli Məmmədov AZƏRTAC-a bildirmişdir ki, tədbirin keçirilməsindən məqsəd, gənclərin vətənpərvərlik tərbiyəsi işini gücləndirmək, onların Vətənə məhəbbət, dövlətçiliyimizə sədaqət və milli-mənəvi dəyərlərimizə hörmət ruhunda tərbiyə edilməsi, ümummilli liderimiz Heydər Əliyevin ideyalarına sadiqlik və Azərbaycan Prezidentinin ətrafında sıx birləşərək gəncləri ölkəmizdə aparılan quruculuq işlərində yaxından iştirak etməyə istiqamətləndirməkdir.
Regiona səfərə Salyan rayonundan başlayan təşviqat briqadası Biləsuvar, Cəlilabad, Masallı, Lənkəran və Astara rayonlarında da gənclərlə görüşlər keçirmiş, gənc ifaçılar və musiqi kollektivləri əhali qarşısında konsert proqramları ilə çıxış etmişlər.
Bölmənin digər xəbərləri
