Georgi Tsereteli: İpək Yoluna Dəstək Qrupunun Bakı konfransı böyük əhəmiyyət daşıyır
Bakı, 11 mart, AZƏRTAC
İpək Yoluna Dəstək Qrupunun Bakıda keçiriləcək konfransı olduqca böyük əhəmiyyət daşıyır.
AZƏRTAC xəbər verir ki, bu sözləri martın 10-da ölkəmizə səfərə gələn ATƏT Parlament Assambleyasının sədri Georgi Tsereteli Heydər Əliyev Beynəlxalq Aeroportunda jurnalistlərə verdiyi açıqlamasında deyib.
İpək Yoluna Dəstək Qrupunun Azərbaycanın təşəbbüsü ilə ötən il yaradıldığını xatırladan Georgi Tsereteli bildirib ki, artıq 20 ölkə bu layihəyə qoşulub.
Ölkəmizə səfəri çərçivəsində bir sıra yüksək səviyyəli görüşlər keçirəcəyini deyən sədr görüşlərdə təhlükəsizlik, regional əməkdaşlıq və müxtəlif sahələri əhatə edən digər məsələləri müzakirə edəcəklərini vurğulayıb.
Bölmənin digər xəbərləri
