Gəray Gəraybəyli: Qürurla deyə bilərik ki, Azərbaycan psixiatriyası böyük məktəbin ənənələrini davam etdirir
Bakı, 22 may, AZƏRTAC
Azərbaycan Tibb Universitetinin (ATU) kafedralarının şanlı yubileyləri bir-birinin ardınca qeyd edilir. Bu gün növbə universitetin Psixiatriya kafedrasınındır. 100 illik tarixə nəzər saldıqda görürük ki, kafedra bir əsr bundan əvvəl Rusiyadan gələn alimlər tərəfindən yaradılıb. O zaman Azərbaycanda milli kadrlar yox idi. Məhz 1930-cu illərdən sonra Rusiya alimlərinin yaratdığı məktəbin əsasında Azərbaycan kadrları formalaşmağa başladı. Bu gün biz qürurla deyə bilərik ki, Azərbaycan psixiatriyası böyük məktəbin ənənələrini davam etdirir.
AZƏRTAC xəbər verir ki, bu fikirləri jurnalistlərə açıqlamasında ATU-nun rektoru, tibb elmləri doktoru, professor Gəray Gəraybəyli deyib.
Rektor bildirib ki, konfransın əsas mövzusu psixiatriyanın vacib və çətin sahələrindən biri olan məhkəmə psixiatriyasına aiddir. "Biz çox şadıq ki, yubileyimizdə Qazaxıstan, Rusiya Türkiyə, Gürcüstan və Belarusdan gələn alimlər iştirak edirlər. İki gün davam edəcək konfransda 60-dan çox elmi məruzə dinləniləcək. Əminəm ki, bu, məhkəmə ekspertizası sahəsində biliklərin təkmilləşdirilməsinə çox böyük töhfələr verəcək", - deyə professor vurğulayıb.
Bölmənin digər xəbərləri
