GLOBE Şəbəkəsinin 7-ci Plenar iclası Rumıniyada keçiriləcək
Bakı, 22 may, G.Mahmudlu, A.Haqverdiyeva, AZƏRTAC
Birləşmiş Millətlər Təşkilatının Narkotiklər və Cinayətkarlıq üzrə İdarəsinin Korrupsiyaya qarşı Mübarizə üzrə Hüquq-Mühafizə Orqanlarının Qlobal Əməliyyat Şəbəkəsinin (GLOBE Şəbəkəsi) 7-ci Plenar iclası 2026-cı ildə Rumıniyada, 8-ci Plenar iclası isə 2027-ci ildə Birləşmiş Ərəb Əmirliklərində keçiriləcək.
AZƏRTAC xəbər verir ki, bunu GLOBE Şəbəkəsinin İdarəetmə Komitəsinin sədri Nasser Abaalkhail şəbəkənin Bakıda keçirilən 6-cı Plenar iclasının bağlanış mərasimində deyib.
Onun sözlərinə görə, rəhbər komitə tərəfindən GLOBE Şəbəkəsinə iki yeni müşahidəçi qəbul olunub. Afrika Dövlətlərinin Forumunun və "Eurojust"ın şəbəkədə müşahidəçi olması ilə bağlı qərar qəbul edilib. Həmçinin qlobal şəbəkədə onların gələcək əməkdaşlıq məqamları nəzərdən keçirilib.
Bildirilib ki, 6-cı Plenar iclasda regional nümayəndəliklərin yaradılması və rəqəmsal qovşağın təsis edilməsi ilə bağlı təkliflər irəli sürülüb və bu sahədə konkret işlərin görülməsi barədə razılığa gəlinib.
Bölmənin digər xəbərləri
