GORANBOYDA YENİ İŞ YERLƏRİ YARADILIR
Goranboyda əhalinin məşğulluğunun təmin olunması sahəsində problemlərin aradan qaldırılması məqsədi ilə rayonun mövcud potensialından səmərəli istifadə olunur. Bunun nəticəsində cari ilin 6 ayı ərzində 989 nəfər daimi işlə təmin edilmişdir.
Rayon icra hakimiyyətindən AZƏRTAC-ın müxbirinə bildirilmişdir ki, bu rəqəm ilin sonunadək təqribən iki dəfə artacaqdır.
Hazırda rayonun Todan və Bəşirli kəndlərində 300 yerlik, Fəxralı kəndində və Goran qəsəbəsində hər biri 600 yerlik şadlıq sarayları, Fəxralı kəndində şirniyyat sexi, gön-dəri emalı müəssisəsi, Qaşaltı Qaraqoyunlu kəndi ərazisində sanatoriya-müalicə müəssisəsinin, 50-yə yaxın müasir üslubda ticarət və məişət obyektləri tikilir. Bu obyektlərdə min nəfər daimi iş yeri tapacaqdır.
Bölmənin digər xəbərləri
