GÖYÇAYDA GƏNCLƏRİN ZONA MÜŞAVİRƏSİ
Göyçay rayonunda gənclərin 3-cü Respublika forumunun tədbirləri çərçivəsində Qobustan, Şamaxı, Ağsu, İsmayıllı, Kürdəmir, Ucar, Zərdab, Ağdaş rayonu nümayəndələrinin iştirakı ilə zona müşavirəsi keçirilmişdir.
Gənclər, İdman və Turizm Nazirliyinin mətbuat xidmətindən bildirmişlər ki, müşavirə iştirakçıları əvvəlcə yeniyetmələrin və gənclərin rayon mədəniyyət sarayının foyesində nümayiş etdirilən texniki yaradıcılıq sərgisi ilə tanış olmuşlar.
Müşavirədə çıxış edənlər demişlər ki, üçüncü forum öz əhatəsinə və formasına görə əvvəlki iki forumdan fərqlənir. Göyçay, Şamaxı, Ağsu, Kürdəmir rayonlarının gəncləri forumda fəal iştirak edirlər, Ağdaş rayonunda isə bu iş pis təşkil olunmuşdur.
Gənclər, idman və turizm naziri Əbülfəz Qarayev müşavirədə iştirak etmişdir.
Müşavirədə Azərbaycan Prezidenti Heydər Əliyevə müraciət qəbul olunmuşdur.
Bölmənin digər xəbərləri
