GÖYÇAYDA TƏLƏBƏLƏRLƏ GÖRÜŞ KEÇİRİLMİŞDİR
AZƏRTAC xəbər verir ki, builki imtahanlarında yüksək bal toplayaraq ali məktəblərə qəbul olunmuş göyçaylı tələbələrlə rayon rəhbərliyinin görüşü olmuşdur.
Dövlət başçısı İlham Əliyevin və Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban xanım Əliyevanın ölkəmizdə təhsilin inkişafına göstərdikləri qayğıdan danışan M.Məmmədov bu diqqət və qayğının Göyçay məktəblərində də daim hiss olunduğunu bildirmişdir.
Qeyd olunmuşdur ki, builki qəbul imtahanlarında Göyçaydan 715 abituriyent iştirak etmiş, onlardan 281-i uğurlu nəticə göstərərək tələbə adını qazanmışdır. Tələbələrdən 21 nəfəri 600-dən yuxarı bal toplamışdır.
Sonda bütün tələbələrə qiymətli hədiyyələr, pul mükafatları təqdim edilmişdir. Tədbirdə iştirak edən Azərbaycan Dövlət İqtisad Universitetinin bir qrup müəllimi rektor, Milli Məclisin elm və təhsil daimi komissiyasının sədri Şəmsəddin Hacıyevin adından göyçaylı tələbələrə qiymətli hədiyyələr təqdim etmişdir. Yüksək bal toplayan tələbələrə kompyuter dəsti hədiyyə olunmuşdur.
Bölmənin digər xəbərləri
