“Göyçə : itirilmiş ocaq” sənədli filmi istehsal edilib
Bakı, 29 aprel, AZƏRTAC
Gənclər və İdman Nazirliyinin dəstəyi ilə "Virtual Qarabağ" İKT Gənclər İctimai Birliyi tərəfindən "Göyçə : itirilmiş ocaq" sənədli filmi istehsal edilib.
AZƏRTAC Gənclər və İdman Nazirliyinin saytına istinadla xəbər verir ki, film aprelin 30-da saat 21:00-da Azərbaycan Televiziyasında nümayiş olunacaq.
Filmdə buz kimi bulaqları, yaşıl çəmənləri, uca dağların qoynundakı mavi gözlü Göyçə gölünü, ruhumuzun qidası olan ozan - aşıq sənətini bizə xatırladan, igid insanları, qonaqsevərliyi ilə seçilən və Azərbaycan mədəniyyətinin və tarixi coğrafiyasının ən böyük itkilərindən biri olan eldən, Oğuz yadigarı - Göyçədən bəhs edilir. Sənədli filmin ideya müəllifi və layihə rəhbəri Nurəddin Mehdiyev, ssenari müəllifləri tarixçi alimlər Nazim Mustafa, Ramin Əlizadə, rejissoru Teymur Nəcəfzadədir.
Bölmənin digər xəbərləri
